Futuristic

Ang Magkakaibigan

            Sa paaralang Col. Lauro D. Dizon Memorial National High School o mas kilala bilang Dizon High ay doon nag aaral ang apat na mag  kakaibigan, sila ay sina Jenny, Jelay, Gina at Mhay, bawat isa sa kanila ay may iba’t ibang katangian. Si Jenny isang maganda, tahimik, masayahin at tanging pag aaral lamang ang inuuna sa lahat. Si Jelay na sobrang seryoso sa pag aaral na halos wala ng panahon upang mag ayos ng kanyang sarili. Si Gina na madaldal, maraming nagiging crush pero hanggang crush lang naman, nag aaral din naman syang mabuti at si Mhay na medyo may pag ka kikay maaayos sa lahat ng bagay at may nagugustuhan na. Palagi silang magkakasama at nag kukwentuhan ng pangyayari sa kani-kanilang buhay Masaya man ito o malungkot, nag tutulungan sila sa kanilang mga problema binibigyan nila ng magagandang payo ang bawat isa, dahil para sa kanila ang pagiging magkaibigan ay hindi lamang nasasabi kapag mayroon lamang kailangan sa isa’t isa, kundi ito ay pag dadamayan sa lahat ng oras masaya man ito o malungkot. Isang araw maagang nagsipasukan ang magkakaibigan sa eskwelahan, nag batian sila ng magandang umaga sa bawat isa pati na rin sa kanilang ibang mga kaklase, nagging maganda ang simula ng kanilang araw. Dumating na ang kanilang guro at ang bawat isa ay aktibong nakikilahok sa talakayan. Pag dating ng recess time lumabas na silang lahat ng silid aralan upang mag miryenda na, nag punta na sila sa kantina at bumili ng kanilang makakain. Nakita ni Mhay ang kanyang nagugustuhan na si Nick, si Nick ay isang mabait gwapo, medyo tahimik at tapat na tao, nang Makita ito ni Mhay sobrang kiniling ito at sinabayan pa ng pag tili o pag sigaw ni Gina nadala raw siya ng pag kakilig kaya sya napasigaw. Nagtawanan silang lahat. Mas kinilig pa ang lahat ng lumapit si Nick sa kanila at nakipag kilala sa kanila. Nagging mabuti silang magkakaibagan at mas naging masaya pa sila,lalong napalapit ang loob ni Mhay kay Nick dahil mas nakilala pa niya ito. Tapos na ang recess ang lahat ay nagsibalikan na sa kani kanilang silid aralan, nag paalam na sila kay Nick dahil oras na ulit ng pag aaral at may klase na sila. Matapos ang oras ng klase sama-sama silang nag punta sa silid aklatan upang doon mag hanap ng mga sagot sa kanilang mga takdang aralin nag sama rin sila ng iba pa nilang mga kaibigan at kaklase upang makahanap ng mga sagot sa kanilang susunod na aralin nila. Mas naging close sila kay Nick dahil palagi na nila itong nakakasama. Napag usapan nilang mag samba sa linggo at sumang ayon naman lahat dito. Niloloko ng tatlo magkakaibigan ang kanilang kaibigan na si Mhay kay Nick dahil nga alam nila na may gusto si Mhay kay Nick, kinilig naman si Mhay. Pero nung mag kausap si nick at mhay ipinag tapat na ni Mhay ang nararamdaman niya para kay Nick, ang hindi alam ni Mhay iba ang nagugustuhan ni Nick hindi agad niya ito nahalata dahil iba ang inaakala niya, inakala niya na may nararamdaman din sa kanya si Nick, labis na ikinasama ng loob ni Mhay ang isinagot sa kanya ni Nick, sinabi nito na may nagugustuhan din sya pero ibang babae ang matindi pa ditto ang kaibigan niyang si Jenny ang nagugustuhan nito. Naging tapat si Nick sa kanyang mga isinagot nagulat si Mhay at hindi na niya kina-usap si Nick. Lubos na nasaktan si Mhay sa nalaman niya dahil naisip nya na sa bakit sa dinami dami ng babae isa pa sa kanyang matatalik na kaibigan ang nagustuhan nito. Wala siyang pinagsabihan ng tungkol sa napag usapan nila ni nick, itinago niya ito maging sa kanyang matatalik na kaibigan. Kinabukasan sa eskwelahan medyo na huli si Mhay sa klase buti na lang wala pa ang kanilang guro dahil may inaayos pa, nanibago ang lahat sa kanya nahing tahimik at hindi niya pinapansin ang kanyang mga matatalik na kaibigan lalo na si Jenny. Pinilit ng lahat na kausapin si Mhay ngunit ayaw talaga nitong makipig usap kahit kanino. Nag alala sa kanya ng lubos sina Jenny, Gina at Jelay dahil hindi nila malaman talaga kung ano ang problema ng kanilang kaibigan. Oras na naman ng miryenda nagkita silang lahat sa kantina subalit lumalayo si Mhay sa kanila at para bang paluha na ng lumapit si Nick kay Jenny, hindi naman alam ni Jenny na may pag tingin sa kanya si Nick. Nagulat na lang ang mag kakaibigan ng biglang mag tapat si Nick kay Jenny, kahit na alam ni Jenny sa kanyang sarili na may nararamdaman din sya para kay Nick hindi niya sinunod ang kanyang nararamdaman dahil mas inisip niya ang kanyang kaibigan na si Mhay. Sinabi niya kay Nick na hindi sila pwede at sinabi din niya na may nararamdaman si Mhay para sa kanya, sabi na lang ni Nick na kaibigan lang ang tingin niya kay Mhay. Iniwasan na lang ni Jenny si Nick kahit masakit sa kanya dahil mahalaga sa kanya ang kanyang mga kaibigan. Ayaw pa rin silang kausapin ni Mhay, dahil nga sa sobrang nasaktan si Mhay lagi niya itong iniisip hanggang siya ay nag kasakit, dinalaw siya ng kanyang mga kaibigan pati na rin si Nick ay dumalaw rin upang mangamusta, gumawa si Jenny ng paraan upang bimalik sa dati si Mhay pinakiusapan niya si Nick na si Mhay na lang ang kanyang ligawan ginawa naman ito ni Nick alang-alang kay Jenny, pag kalipas ng dalawang araw gumaling na si Mhay at naging masigla na ulit siya Masaya ang lahat sa pag babalik ni Mhay. Ngunit naawa na si Mhay kay Nick at Jenny kaya naman napag isip-isip niya na mas mabuti na palayain na lang niya si Nick at nagkaintindihan naman sila. Kinausap ni Mhay sina Jenny, Jelay at Gina humingi siya ng tawad sa mga ito dahil sa nagawa niyang pagkakamali pinatawad naman agad nila si Mhay dahil naunawaan naman nila ang nararamdaman nito. Itinuloy ni Nick ang panliligaw niya kay Jenny nagkaroon naman siya ng pag asa dito. Hindi na matitinag ang pag kakaibigan ng apat na ito naging mas matatag pa ang kanilang pagkakaibigan. Patuloy silang namuhay ng Masaya palagi silang nagtutulungan at inuunawa ang isat isa.